COREA DI U NORDU : Cosa si passa ?

Ùn hè mancu andatu à a festa impurtantissima di u 15 d’aprile, l’anniversariu di a nascita di u so caccaru Kim Il Sung, fundadore di u paese.

Si dice ch’ellu a utu un interventu di chirurgia annantu à u core, indè l’ospitale “Hyang San”, custruitu In 2011, dopu a morte di u caccaru, è dedicatu à a so propria famiglia.

L’operazione di Kim Il jung ùn si sarebbe micca passata bè, è Kim Il jung sarebbe indè u coma.

Certi dicenu ch’ellu hè mortu, ma u silenziu di i media coreani hè cumplettu.

Ci vole à aghjunghje che, indè stu paese, hè periculosu di dà nutizie annantu à u capu di u statu, senza passà per u canale uffiziale. D’ottobre scorsu, un omu avia privenutu un media di Corea di u sud, chi u dittatore facia una visita indè a cità di Samjiyon. Hè statu arrestatu, imprighjunatu è dopu fucillatu in dicembre. A so povera famiglia hè stata, di più, sbannata indè un’altra cità. Ùn si ride micca quallà.

Avà si pone a questione di a successione di Kim Il Jung. Si dice, chi per a prima volta, sarebbe una donna à piglià u pudere in stu paese maschile. Si chjama Kim Yo Jong, è hè a surella di u dittatore cummunistu.

Forse, Kim Il Jung, chi pesa troppu è fuma cumu un spegnifocu, hà una paura tamanta di u Covid-19 è si piatta indè a so casa.

U paese dice ch’ellu ùn ci hè micca u virus, ma un omu di corea di u nordu, chi fugia, hè statu arrestatu un China è era pusitivu à u Covid-19.

Videremu cosa si passa indè stu paese chiosu i prossimi ghjorni.