6è édition du Festival Sirocco : le cinéma encore méconnus venus d’horizons différents

Da un filmu à l’altru, un stessu fremu parcorre st’edizione: quella di a lea trà e generazione, trà ciò chì si trasmetta è ciò chì si riceve, trà a mimoria è a brama di passà in là. In u filmu Promis le ciel di Erige Sehiri, hè una zitella chì mette sottu sopra u mondu di e parsone maiò, ramintendu chì porta ogni tandu a purezza a più forza prufonda di a verità. In u filmu Rue Malaga, Maryam Touzani filma l’appaciata debule trà una mamma è a figliola in una casa tangerina quand’ella azzinga l’ora a corsa è duve a vita, contru à ogni spiranza, torna à batte. Ghjè à u puntà di u ghjornu di l’indipendenza maruccana ch’ellu ci riporta u filmu Fez Summer 55 d’Abdelhaï Laraki: quand’ella diventa metafora d’un paese chì si sveglia, l’amicizia trà una zitelletta è un cinninu. È in u Parfum d’Irak, ci svultuleghjanu i fili d’una mimoria ferita, quella d’un zitellu franco iracchianu diventatu testimoniu d’una storia livata. In Beyrouth, Journal intime du Liban di Myriam El Hajj intricceghja u disincantu di l’anziani è u firvore d’una ghjuventù chì ricusa a sfacciatezza. La Voix de Hind Rajab di Kaouther Ben Hania ribomba tale un mughju in u fracassu di u mondu: quellu d’una zitella palestinesa colta à l’abbloccu di a guerra, imaghjina insustinibile di un’umanità chì si perde. Incù Leïla et les loups, ramenta Heiny Srour, ch’ella hè un zocculu d’una resistenza senza fine a mimoria di e donne. È ci invita Un monde fragile et merveilleux di Cyril Aris, à crede sempre à a purezza di a lea, à ciò chì ferma di zitellina in i nostri amori è i nostri sogni. Si rispondanu sti filmi, si parlanu, si schjariscenu l’unu à l’altru. Dicenu chì e generazione ùn anu altra scelta ch’è di custruisce inseme un mondu accettevule. Di pettu à l’addisperu, principalmente quellu chì ci inspira a tragedia di u populu palestinese è di u silenziu chì u circonda, diventa un rifugiu u sinemà, un soffiu, un spaziu duv’elli continueghjanu i zitelli à fighjulacci, è ci ghjudicheghjanu. Forse ch’ella hè a speranza: in issi sguardi zitelleschi chì ricusanu l’indifferenza, in isse voce nove chì s’alzanu, in ogni locu, per riclamà pace, ghjustizia è dignità. Ùn s’accuncianu micca sti filmi di cuntà: veghjanu. Ci ramentanu ch’ellu ferma sempre pussibile un mondu fragile è maravigliosu malgradu a viulenza di u mondu, nant’à a cundizione di cuntinuà inseme à guardà in faccia.