Vendredi 21 mars 2025
Mostra à a casa di e lingue in Bastia : "Eri per dumane a lingua corsa"
Image
Mercuri u 26 di marzu, A Casa di e lingue v’accoglie per a prisentazione di a so prima mostra nant’à a storia di a lingua corsa cù un arnese di mediazione numericu novu per u gran publicu (à partesi da 14 anni).
Un’immersione vera chì permetterà di sullicità è d’incuragì a leva nova
à tramandà a so lingua è u so patrimoniu !
Capì per amparà megliu : u Corsu u sentimu, l’amparemu, u parlemu, ma a
cunniscimu a so storia ?
A Casa di e lingue vi prupone una visita participativa cù u so ghjocu
numericu.
A mostra accosta a lingua corsa sottu à parechji ànguli, un’uccasione
ùnica per l’elevi d’amparà a so storia di manera lùdica, di capì a so
impurtanza inde u nostru sviluppu individuale è cullettivu
interrughèndusi nantu à l’avvene !
