Cunferenza di stampa di Nazione.

Sta mane, i membri di u partitu indipendentistu Nazione anu organisatu una cunferenza di stampa nant’à a piazza di i Canni in Aiacciu. Una cunferenza pè dinunzià in particulare a “banalisazione di u trafficu di droga” è pè “purtà un messagiu contr’à e derive maffiose in Corsica”. St’ultime sò in leia cù a sregulazione tutale di u mercatu fundiariu è immubiliariu, i monopoli privati nant’à i settori di i trasporti, i scarti, a grande distribuzione. D’altrò, Nazione ùn participerà a manifestazione di sabbatu in Aiacciu, organisata da i cullettivi contr’à a maffia, per via ch’ellu s’oppone à e ghjuridizzione d’eccezzione. S’ultime facenu parte di e rivindicazione di sti cullettivi.